თანამედროვე კაპიტალისტური სისტემის ეკონომიკური პრობლემები

ანოტაცია

საუკუნეებია ეკონომიკის მეცნიერები, ექსპერტები, პოლიტიკოსები ცდილობენ გაარკვიონ რა იწვევს ეკონომიკურ პრობლემებს, ეძებენ გზებს ამ პრობლემების აღმოსაფხვრელად, თუმცა უშედეგოდ და პრობლემები პრობლემებად რჩება. ფაქტობრივად, მსოფლიო იმყოფება მუდმივ ეკონომიკურ კრიზისში. კაცობრიობა რატომღაც „ეკონომიკურ კრიზის“ უწოდებს ეკონომიკური კრიზისების პიკურ ანუ უკიდურესად გამწვავებულ მდგომარეობას. იხარჯება მილიონები სხვადასხვა ეკონომიკურ ფორუმების მოსაწყობად, ტრილიონები - ეკონომიკური კრიზისების დასაძლევად, მაგრამ ამაოდ. განხორციელებული ღონისძიებები ვითარების მხოლოდ დროებით განმუხტვას უწყობს ხელს და არა პრობლემის ერთხელ და სამუდამოდ მოგვარებას.

ყველასთვის კარგადაა ცნობილი, რომ ეკონომიკაა მთავარი ბაზისი კაცობრიობის  არსებობისთვის. თუ ეკონომიკა ხანგრძლივ კრიზისშია, იშლება და ინგრევა ყველაფერი, თვით სახელმწიფოებიც  კი. ეკონომიკა ქმნის განვითარების გარემოს და შესაძლებელს ხდის ადამიანის მოთხოვნილებების დაკმაყოფილებას.

წარმოდგენილ ნაშრომში განხილულია კაპიტალისტური საზოგადოებრივი წყობის და თავისუფალი საბაზრო ეკონომიკის თანამედროვე პრობლემები. აუცილებელია, რომ იმ გარემოზე, რომელსაც ეს სისტემები ქმნიან და რომელშიც ქვეყნები, თვით ადამიანი არსებობს, საფუძვლიანი და ღრმა ცოდნა ჭირდება პოლიტიკოსებს - პოლიტიკური პროცესების დაგეგმვის და სახელმწიფოს მართვის დროს; ეკონომისტებს - ეკონომიკური პროცესების სამართავად; ბიზნესმენებს - თავიაანთი ბიზნეს საქმიანობის სწორად დაგეგმვის და მართვისთვის; ყველა სფერს მენეჯერებს - მენეჯმენტის სწორად წარმართვისთვის და ა.შ. მძიმე ეკონომიკურ პრობლემებს იწვევს სწორედ არარეაკურად აღქმნილი გარემო, ეკონომიკურ თეორიებში და ეკონომიკურ ფორმულებში დაშვებული უხეში შეცდომები, მათ ბაზაზე შექმნილი პოლიტიკური და საზოგადოებრივი სისტემები.