მევახშეთა ზეობა, ანუ, რატომ არის ჩვენთან ჯერ კიდევ ველური კაპიტალიზმი

ანოტაცია

ისევე, როგორც ადამიანთა უმრავლესობისთვის სრულიად უცნობია, თუ რა პროცესები მიმდინარეობს ადამიანის ორგანიზმში (რომ არაფერი ვთქვათ ამ პროცესების მიმდინარეობის მექანიზმების შესახებ), ადამიანთა კიდევ უფრო მეტი რაოდენობისათვის, უფრო მეტი ბურუსით არის მოცული საბანკო სფეროში მიმდინარე პროცესების რაობა. ანუ, ადამიანთა უდიდესი უმრავლესობისთვის უცნობია, თუ რა პროცესები მიმდინარეობს აქ და რამდენად უწყობს ხელს ეს სფერო ქვეყნის ეკონომიკურ აღმავლობას. და, ეს მხოლოდ იმით კი არ არის გამოწვეული, რომ საბანკო სფეროში მიმდინარე პროცესები ადამიანის ორგანიზმში მიმდინარე პროცესებივით ურთულესია, არამედ იმითაც, რომ ეს პროცესები საზოგადოებისათვის ისევე დახურულია, როგორც ნებისმიერი ქვეყნის უშიშროების სამსახურის საქმიანობა