ეკონომიკა პოლიტიკურ დივიდენდს არ უნდა ეწირებოდეს!

ბიზნესის განვითარების ეგზოგენური და ენდოგენური ფაქტორები

ანოტაცია

ბიზნესის განვითარებაზე მნიშვნელოვან გავლენას ახდენს როგორც გარე ეგზოგენური, ასევე, ქვეყნის შიდა ­ ენდოგენური ფაქტორები და პირობები. მსოფლიოს ეკონომიკური კრიზისი დაწყებულია და ეს მკაფიოდ გა­მოიკვეთა დავოსის 28­ე მსოფლიო ეკონომიკურ ფო­რუმზე. პლანეტის წამყვანმა ეკონომისტებმა აღიარეს, რომ მსოფლიო ეკონომიკურ კრიზისს საფუძველი ჩა­ეყარა აშშ­-ში, სადაც იპოთეკურ ბაზარზე დაწყებულმა რყევებმა თანდათანობით ევროპის კონტინენტზე გადა­ინაცვლა. ჯორჯ სოროსის განცხადებით, დღევანდელი კრიზისი ბოლო 60 წლის განმავლობაში ყველაზე სერი­ოზულია და ამერიკის ეკონომიკას რეცესიისგან ვერაფე­რი იხსნის. მისი აზრით, საკრედიტო ექსპანსიის ეპოქა მთავრდება, რომლის ერთ­ერთი საყრდენი დოლარია, როგორც მსოფლიო სარეზერვო ვალუტა. მართალია, აშშ­-მ მიიღო სწორი გადაწყვეტილება საპროცენტო გა­ნაკვეთების შემცირებაზე, მაგრამ... დაგვიანებით.