განვითარების ეკონომიკა - სამოქალაქო საზოგადოების კონსოლიდაციის მოდელი

ანოტაცია

კაცობრიობა განვითარების ახალ ეტაპზეა; მას ერთდროულად უხდება ბუნებრივი, ტექნოლოგიური, ეკონომიკური, მორალური, მეცნიერული, სოციალური, ინფორმატიული, კულტურული და პოლიტიკური, სამართლებრივი და სხვა კრიზისული მოვლენების დაძლევა. კაცობრიობის სოციალურ-ეკონომიკური განვითარება ყოველ ეტაპზე მართვის შესაბამის მექანიზმებს მოითხოვდა. ევოლუციურად ყალიბდებოდა სამყაროსა და ცალკეული რეგიონების მდგრადი განვითარების ტექნოლოგიური და ადამიანური კონცეფციების ახალი ვარიანტები; იხვეწებოდა სამეურნეო სისტემებისა და ბუნების ეფექტიანი გამოყენების ამაღლებისთვის საჭიროფაქტორების ანალიზი; ვითარდებოდა ეკონომიკური მეცნიერება, რომელიც განიხილავდა, სწავლობდა და ქმნიდა სიმდიდრის, ზრდისა და განვითარების ფაქტორების ახალ თეორიებს.